कमल/ झापाको कमल गाउँपालिका वडा नं. २ स्थित कमल नगर अस्पतालले सुत्केरी आमा र नवजात शिशुको स्वास्थ्य सुरक्षालाई ध्यानमा राख्दै निःशुल्क एम्बुलेन्स सेवा सञ्चालनमा ल्याएको छ । गाउँपालिकाको सहयोग र ओम आदि फाउण्डेसनको योगदानमा उपलब्ध भएको यो सेवा २४ घण्टानै उपलब्ध रहेको छ ।
सुत्केरी महिलाका लागि राहत
अस्पतालका अनुसार गर्भवती र सुत्केरी महलिा प्रसूती सेवाका लागि निःशुल्क रुपमा अस्पताल आउन–जान सक्ने भएका छन् । यसले विशेषगरी ग्रामीण भेगका महिलाहरूलाई सुरक्षित मातृत्व सेवासम्म पहुँच बनाउन सहज बनाएको छ । आ.व. २०८१/०८२ मा मात्रै १३० जना महिलाले निःशुल्क एम्बुलेन्स सेवा लिएका थिए । यसबाहेक, अन्य नागरिकले पनि सुलभ मूल्यमा एम्बुलेन्स सेवा उपयोग गर्न सक्ने भएका छन् । कमल गाउँपालिका अध्यक्ष तथा अस्पताल संचालन समितिका अध्यक्ष हुकुमसिंंह राईले निःशुल्क एम्बुलेन्स सेवाले ग्रामीण भेगका महिलाहरूलाई समयमै अस्पतालसम्म पुग्न मद्दत पुगेको छ । यसले मातृ र शिशु मृत्यु दर घटाउनमा समेत विशेष योगदान दिएको जानकारी गराए ।
ओम आदि फाउण्डेसनको सहयोग
अस्पतालमा सञ्चालन भइरहेको एम्बुलेन्स ओम आदि फाउण्डेसनबाट प्राप्त भएको बताइएको छ । कमल गाउँपालिकाका प्रमुख प्रशासकीय अधिकृत केशव कुमार ढकालले फाउण्डेसनप्रति आभार व्यक्त गर्दै समुदायमा स्वास्थ्य सेवामा पहुँच बढेको विश्वास व्यक्त गरे ।
सुरक्षित मातृत्वका लागि अन्य कार्यक्रमहरू
कमल नगर अस्पतालले विगतदेखिनै मातृ–शिशु स्वास्थ्यलाई प्राथमिकतामा राख्दै विभिन्न कार्यक्रम सञ्चालन गर्दै आएको छ । अस्पतालमा उपलब्ध निःशुल्क सेवाहरू यस प्रकार रहेका छन् ।
– दक्ष स्वास्थ्यकर्मी तथा मेडिकल अफिसरसहित सामान्य सुत्केरी सेवा (नर्मल डेलिभरी)
– नवजात शिशु तथा आमाको स्वास्थ्य निगरानी,
– चिकित्सकको सम्पर्कमा उपचार सुविधा,
–पिएनसी होम भिजिट कार्यक्रम, नर्सिङ्ग कर्मचारीद्वारा घरमै पुगेर स्वास्थ्य जाँच,
कमल–५ निवासी सुजन देवानले यो कार्यक्रमले सुरक्षति मातृत्व प्रवद्र्धनमा उल्लेखनीय योगदान पुर्याएको बताएका छन् ।
समुदायको विश्वास बढ्दै
कमल गाउँपालिका वडा नं. २ का वडाध्यक्ष अशोक सुब्बाले निःशुल्क एम्बुलेन्स सेवा सुरु भएपछि गर्भवती आमा अस्पतालसम्म सजिलै ल्याउन सकिने र समयमै उपचार पाउँदा अकालमा मृत्यु हुनबाट जोगाउने बताए । यो कार्यक्रमबाट आमाबुबा र परिवारमा पनि विश्वास जगाएको छ । स्थानीय समुदायले पनि सेवाप्रति सकारात्मक प्रतक्रियिा दएिका छन् । गाउँपालिका अध्यक्ष राईले ज्येष्ठ नागरिक, गरीब, असहाय सबैका लागि यो कार्यक्रम सेवाग्राहीहरुबा लागि वरदान सावित भएको प्रष्ट पारे । उनले समस्यामा परेका र आर्थिक अवस्था कमजोर भएका नागरिकहरु यसबाट लाभान्वित भएको र यो सेवा अझै प्रभावकारी बन्ने विश्वास व्यक्त गरे । आगामी दनिमा यसलाई अझ प्रभावकारी बनाउनेछौँ।”
सेवाका लागि कमल नगर अस्पतालको एम्बुलेन्स चालक संगम राईलाई ९७४५८७३३८१/९८२५९०५६६५ मोबाइल नम्वरमा सम्पर्क गर्न सकिने अस्पताल प्रमुख दिपक दाहालले जानकारी गराए । अर्को सम्पर्क नम्वर यस प्रकार छ, कमल नगर अस्पताल, तोपगाछी क्याम्पा ०२३–४७५०५९ । ई–मेल ठेगाना : पबmबmगिलष्अष्उबष्तिथजयकउष्तब२िनmबष्।िअयm
ज्येष्ठ आवाजको सामाजिक उत्तरदायित्व अन्तर्गत प्रकाशित